Selina
EGAU: Du seisch dir ischs egau
doch egau isch ke Meinig
Egau bedütet enhautig
Enthautig füert ni wiiter¨
Enthautig bedütet du gisch dini stimm ab
Dini stimm wo di usmacht
Drum was macht di scho us
Dir ischs ja egau
Du seisch nüt
Du bisch stiu
Doch die stiui bedütet i ha angscht
Angscht cha heisse sech zrüggzieh
U ds zrüggzieh us angscht
Isch dini ingterpretation mir sigs egau
Du interpretiersch ohni mi z kenne
Du interpretiersch mi anhand vo mim derforenne
Du weisch ni was hinger däm steckt wode gsesh
Villech ischs mir ja nid egau
Villech bini eifach z schüch
Vilech hani angscht wide interpretiersch wasi säge
Dses fausch interpretiersch
Nid so winis meine
Niid so wide iz dänksch
Nid so winis ha wöue säge
Drum sägis nid
Drum lanis lasi
Ir hoffnig dini interpretation isch när verbi
Doch oh weni nüt säge
Oh den interpretiersch
Oh den dänksch der e Grund us
E Grund wo mini unfähigkeit z rede erklärt
E Grund zu mire läbensgtautig
Zu mire hautig
Zu Mire hautig namens egau